Kak a ga mógu ja se wobźěliś na projekśe Zorja?

Coš ty se wobźěliś we pśiducem Zorja-lětniku 2027/2028? To nas kradu wjaseli! Za to pótrjebamy nejpózdźej až do 21. februara 2027 pór informacijow wót tebje a twójeje motiwacije. Pór dnjow pózdźej dostanu wót nas wuzwólone kandidaty a kandidatki pśepšosenje na póznawańske rozgrono. Te rozgrona se wótměju we měrcu 2027. Nejpózdźej až do kóńca maja 2027 dostanjośo wót nas dokóńcne wótegrono. We jadnom lětniku móžo se wobźěliś 8 - 12 paršonow. Wucba se zachopijo w septembrje 2027.

Chto móžo se wobźěliś? 

Na projekśe Zorja móžo se wobźěliś zasadnje kužda paršona, ako wót septembra 2027 jo nanejmjenjej 16 lět stara a bydli we Nimskej. Prědkznaśa serbskeje rěcy su wjelgin witane, njejsu pak trjebne. Gaž wordujoš wuzwólony, a tomu pśigłosujoš, ga sy z tym wobjadny až musyš se na kursu serbskeje rěcy we našom "rěcnem gnězdźe" w Dešnje wobźěliś; absolwěrowaś praktikum ako warnujo jaden mjasec a teke samostatnje źěłaś na swójom projekśe. We casu Zorjow kuždy mjasec krydnjoš štipendium na zastaranje twójich žywjeńskich koštow. Twój cas we Zorjach wobzamknjoš pó 10 mjasecach (w juniju 2028) z certifikatom serbskeje rěcy.