DomPro gGmbH jo dobrowólne, filialne towaristwo Domowinskeje župy Dolna Łužyca z.t. a jo se załožyło, aby serbske prědkweześa na pólu strukturnego pśeměnjenja a kulturnego kubłanja pśewjadło. Pilotowy projekt „Zorja“ jo wót 2022 w nosarstwje DomPro a se financěrujo pśez Załožbu za serbski lud z pjenjez Zwězkowego ministaŕstwa nutśikownego. Zorja dajo dorosćonym móžnosć za intensiwne nawuknjenje serbskeje rěcy z moderneju didaktiku, ako jo dłymoko w serbskej kulturje a identiśe zakórjenjona. Za rozšyrjenje našogo teama pytamy k 01.07.2025:

Docenta za serbsku rěc (m/ž/d)

Twóje nadawki

• pśewjasć a dalej wuwijaś 10-mjasecny intensiwny kurs serbskeje rěcy
• wuknjeńske aktiwity, projekty a ekskursije pśigótowaś, pśewjasć a wugódnośiś
• zeznawaś aktualny staw wědomnosći na póli rěcneje didaktiki a pśiswójowanja rěcy
• wšedny źeń kursowego programa a pśewjeźenje projekta organizatoriski sobu wugótowaś
• zběranje datow za wědomnostne pśewóźowanje projekta pódpěrowaś (na pś. pśez feedback a doglědowanje wuknjeńskego procesa)
• zjawnostne źěło a napóranje publikacijow k projektoju pódpěrowaś (na pś. pśinoski za medije a website, pśednoski)

Twój profil

• wótzamknjony studium na wusokej šuli
• wjelgin dobre znaśa serbskeje rěcy a jeje struktury z wustami a pismom
• nazgónity w pśewjeźenju rěcnych kursow a/abo kubłańskich projektow w serbskem konteksće
• motiwěrowany serbsku rěc dalej dawaś a pśeznanjone, až jeje zdžarźanje a wótžywjenje jo móžno
• zwólny, se z moderneju rěcneju didaktiku kritiski rozestajaś ako teke sebje nowe wucbne metody a techniki pśiswójowaś
• dobre komunikaciske, kooperaciske a organizatoriske zamóžnosći ako teke wótwórjonosć we wobchadanju z luźimi

Co ty móžoš wótcakaś?

• wěste a wjelebocne źěłowe město z wjelikim wužytkom za rewitalizaciju serbskeje rěcy
• tu móžnosć sebje pówołańsku wokolnosć indiwiduelnje wugótowaś a w młodem a dynamiskem projekśe na wótžywjenju serbskeje rěcy sobuźěłaś
• zastopnjowanje do mytoweje kupki zjawnego tarifa TV-L E13
• fleksibelne rědowanja za mobilne źěło a móžnosć k społnjenju nadawkow we źělnem casu 
• moderne a techniski wjelgin derje wugótowane źěłowe městno inkl. techniskich móžnosćow za mobilne źěło

Interesěrujoš se za to źěło wu nas?

Wjaselimy se na Twójo póžedanje na pśistajenje až do 15.06.2025. Maš-lic pšašanja, tak piš nam mejlku na kontakt@zorja.org. Dalšne informacije wót Zorjow namakajoš pód www.zorja.org.